ហ្គេមប្រភេទ Chill ដែលកំពុងបញ្ចុះតំលៃ

ចុងឆ្នាំចឹងៗអី ខោអាវក៏បញ្ចុះតំលៃ ហ្គេមក៏បញ្ចុះតំលៃដែរ ដូចជាកម្មវិធី Steam Winter Sale ជាដើមហើយថ្ងៃមុន យើងបានណែនាំអោយសាកល្បងហ្គេមល្បីៗ ដែលកំពុងបញ្ចុះតំលៃ ហើយចឹងឥលូវដល់ពេលហ្គេមបែប Chill ដែល កំពុងបញ្ចុះតំលៃម្ដង ។​ ចូលមើលបញ្ជីខាងក្រោមនេះទាំងអស់គ្នា ៖

ហ្គេមទី ១ សុំណែនាំអោយស្គាល់គឺ Stardew Valley ដែលជាហ្គេមប្រភេទ Simulation ជាមួយនិងសាច់រឿងដែលអ្នក ជាបុគ្គលិកក្រុមហ៊ុនមួយ ធុញទ្រាន់នឹងជីវិតទីក្រុងហើយក៏សុខៗស្រាប់តែលោកតារបស់អ្នកស្លាប់បាត់ ហើយបន្សល់ ដីមួយដុំនៅស្រុកស្រែអោយអ្នក ដែលអ្នកសម្រេចចិត្តថាចង់ផ្លាស់ប្ដូរជីវិតទៅទីនោះ ។ អ្វីដែលសំខាន់នោះហ្គេមនេះ ផលិតឡើងដោយស្ថាបនិក Concerned Ape តែ ១ នាក់ឯងប៉ុណ្ណោះដែលគាត់រៀនតាំងតែពីការធ្វើភ្លេងឡើងដើម្បី បំពេញចន្លោះរបស់ហ្គេមនេះ ។ Stardew Valley មានជាការដាំដំណាំតាមរដូវកាល មានកម្មវិធីតាមរដូវ ហើយអ្នកអាចរៀបការជាមួយអ្នកភូមិផងដែរ ។ ឥលូវនេះ Stardew Valley បញ្ចុះតំលៃពី $14.99 ទៅ $8.99 ប៉ុណ្ណោះនៅលើ Steam ។

ហ្គេមទី ២ មានឈ្មោះថា Disney Dreamlight Valley ជាហ្គេមប្រភេទ Simulation ដូចជាផលិតឡើងដោយក្រុមហ៊ុន Gameloft តែមានសិទ្ធិបញ្ញាពី Disney ។ អ្វីដែលសប្បាយជាមួយហ្គេមនេះនោះគឹ អ្នកអាចសាងសង់ផ្ទះនិងកែប្រែ ទីក្រុងរបស់អ្នកអោយកាន់តែស្រស់ស្អាត ដែលមានអ្នកជិតខាងជាតួអង្គមកពីសេរីរបស់ Disney និង Pixar ជាច្រើន ។ ឥលូវនេះតំលៃដើមគឺ $39.99 តែឥលូវនៅសល់តែ $29.99 ប៉ុណ្ណោះ ។

ហ្គេមទី ៣ ដែលចង់អោយស្គាល់នេះមានឈ្មោះថា Sun Haven បើនិយាយទៅស្រដៀងជាមួយនិង Stardew Valley អញ្ចឹងព្រោះតែក្រាហ្វិចរបស់វា តែអ្វីដែលលើសពីនោះគឺសាច់រឿងរបស់ហ្គេមនេះជ្រៅជាង ថែមជាមួយស្នេហា ការវៃ គ្នាមួយចំនួន លាយជាមួយហ្គេមតូចៗជាច្រើន និងការដោះស្រាយប្រសារនៅក្នុងហ្គេមជាច្រើន ។ តែគោលដៅនៃ ហ្គេមនេះនៅតែជាការដាំតំណាំនឹងឯង ។ Sun Haven កំពុងបញ្ចុះតំលៃ 55% ពី $24.99 ទៅ $11.24 ។

បើសិនជាចូលចិត្តហ្គេមណាមួយអាចចូលមើលនៅលើទីផ្សារបស់ Steam ដែលកំពុងមាន Winter Sale ពីថ្ងៃនេះ រហូតដល់ថ្ងៃទី 02 មករា ៕