Casey Reyes
ថ្ងៃនេះការប្រកួត M6 នៅកូឡាឡាំពួរ បានឈានដល់វគ្គ SWISS STAGE ថ្ងៃចុងក្រោយហើយដែលជាវគ្គ 2-2 នៅសល់ តែ ៣ គូតែប៉ុណ្ណោះ ហើយក៏នឹងមាន ៣ ក្រុមត្រូវធ្លាក់ផងដែរ ក្នុងនោះមានជំនួបរវាង Team Vamos vs BTK ។
បើតាមសាច់រឿងទៅ BTK មកដល់ប្រទេសម៉ាឡេស៊ី Mobazane បានផុសថា Ez Server ជាមួយទង់ជាតិម៉ាឡេស៊ី ទៀតបានធ្វើអោយ ទស្សនិកជនរបស់ម្ចាស់ផ្ទះខឹងជាខ្លាំង ។ មកដល់ថ្ងៃប្រកួតហើយ Mobazane នៅតែមិនផ្លាស់ប្ដូរគំនិតរបស់ខ្លួនឡើយ ទើបធ្វើអោយ Team Vamos គុំគួនថានឹងសងសឹកអោយបាន ។
ក្នុងហ្គេមទី ១ Draft របស់ Team Vamos ផ្តោតលើការទប់ទល់ Damage ចេញពីក្រុម BTK ដែលជាបានផ្ដោតលើ ការលេងបែបកាចនិងឆ្មក់វាយប្រហាររហូត ។ តាំងតែពីដើមហ្គេម រហូតដល់ពាក់កណ្ដាលហ្គេមក្រុម BTK បានវាយទៅ លើ Team Vamos រហូតដែលមានការប្ដូរ សងទៅសងមករហូតដល់ក្រុម BTK បិះតែនឹងគ្របដណ្ដប់បានទៅហើយ ។ តែគួរអោយសោកស្ដាយនៅនាទី 15:30 Team Vamos សម្រេចចិត្តវាយឆ្មក់ទៅលើ BTK ក្នុងប៉មទី ២ ផ្លូវខាងលើ ដែលពេលនោះសមាជិករបស់ BTK សល់តែ ៤ នាក់ប៉ុណ្ណោះហើយ Mobazane ទើបតែកើតមកវិញ ដែលជាហេតុធ្វើឲ្យ Team Vamos ផ្ដាច់សមាជិករបស់ BTK បានដល់ទៅ ២ រូបធ្វើអោយបាក់ទនប់ទឹក រហូតដល់ Team Vamos បំបែក បន្ទាយយកឈ្នះបាន ១ ពិន្ទុមុន ។
រូបភាពពី Mobile Legends: Bang Bang Youtube
ចូលមកដល់ហ្គេមទី ២ Team Vamos រើសយក Draft ដ៏ល្អរបស់ខ្លួនដែលផ្តោលលើ Hylos, Irithel ព្រមជាមួយ Combo គូស្នេហ៍ Cecilion និង Carmilla ផងដែរ ។ ចំណែកឯក្រុម BTK វិញនៅតែផ្ដោតអោយ Mobazane លេង Alpha ដដែលដើម្បីស្រោចស្រង់ ។ ហ្គេមនេះ Team Vamos ដាក់សំពាធជាខ្លាំងទៅលើក្រុម BTK ដែលបញ្ចប់ហ្គេម ត្រឹមនាទីទី 12:27 ជាមួយពិន្ទុរហូតដល់ 13-1 យ៉ាងជោគជាំ ។
រូបភាពពី Mobile Legends: Bang Bang Youtube
ដូចនេះ Team Vamos បានឡើងដល់វគ្គ KnockOut Stage ហើយចំណែកឯ BTK នឹងវិចកាតាបទៅផ្ទះបញ្ចប់ដំណើរ ត្រឹមនេះ ៕
- Path Of Exile 2 ហ្គេមថ្មីប្រភេទ ARPG កំពុងបំភ័យ Diablo - December 18, 2024
- The Witcher 4 ត្រូវបានបង្ហាញខ្លួនជាផ្លូវការ - December 15, 2024
- SRG ទំលាក់ Team Spirit ចេញពីការប្រកួត M6 - December 14, 2024
