នាំគ្នាផ្អើលទៅលេង Marvel Rivals ផ្លូកទឹកផ្លូកដី

កំឡុងពេលប៉ុន្មានសប្តាហ៍មុន មានហ្គេមថ្មីមួយបានចេញមកតំណាលជាមួយនិង Path of Exile 2 ដែរតែហ្គេមមិន មែនជាប្រភេទតែមួយឡើយ ហើយចេញពីក្រុមហ៊ុន Marvel ទៀតឡើងផ្អើលអស់អ្នកលេង Overwatch និងហ្គេមផ្សេងៗ ។

ហ្គេមនោះមានឈ្មោះថា Marvel Rivals ដែលជាប្រភេទ MOBA Shooter ស្រដៀងជាមួយ Overwatch ផងដែរ ។ ហ្គេមនេះបានចេញផ្សាយនៅថ្ងៃទី 6 ធ្នូកន្លងទៅនេះ ដែលទទួលបានការគាំទ្រជាខ្លាំងនឹកស្មានមិនដល់ពីអ្នកលេង ដោយសារតែដំបូងកាលដែរហ្គេមនេះផ្សាយពាណិជ្ជកម្ម មិនសូវជាមានការចាប់អារម្មណ៍ខ្លាំងប៉ុន្មានឡើយ ។

អ្វីដែលនឹកស្មានមិនដល់ Marvel Rivals ជ្រើសយកប្រភេទហ្គេមដែលពិបាកក្នុងការធ្វើអោយសប្បាយដូចដែលយើង បានឃើញហើយសូម្បីតែ Overwatch និង Paladin ក៏ធ្វើមិនត្រូវចិត្តអ្នកលេងដែរ ។ តែជាលទ្ធផល Marvel Rivals ទទួលបានអ្នកលេងក្នុងពេលតែមួយយ៉ាងខ្ពស់រហូតដល់ទៅ 10 លានអ្នកបើរា​ប់ទាំង PC, XBOX, និង PlayStation ។

បើអ្នកទាំងអស់គ្នាចង់សាកល្បងអាចចូលទៅដោនឡូតនៅលើ Steam ដោយឥតគិតថ្លៃហើយហ្គេមនេះមាននូវ
តួរអង្គល្បីៗជាច្រើនពីសេរីរបស់ Marvel ដូចជា Doctor Strange, Iron Man​ និង Spiderman ជាដើម ៕