ហ្គេមល្បីៗជាច្រើនកំពុងបញ្ចុះតំលៃលើ Steam Winter Sale

ធ្មេចបើកៗដល់ចុងឆ្នាំទៀតទៅហើយ បើសិនជាអ្នកលេងហ្គេមវិញ រៀងរាល់ឆ្នាំតែងតែចាំមើលការបញ្ចុះតំលៃចុងឆ្នាំ ដូចអ្នកចាំទិញខោអាវបញ្ចុះតំលៃអញ្ចឹង ។ ក្នុងការបញ្ចុះតំលៃនេះ Steam ដែលជាទីផ្សារហ្គេមដ៏ធំជាងគេ តែង តែមានកម្មវិធីបញ្ចុះតំលៃតាមរដូវកាល ហើយឥលូវនេះគឺដល់ពេល Steam Winter Sale ឬ ការលក់បញ្ចុះតំលៃក្នុង រដូវត្រជាក់របស់ Steam នេះ​ឯង ។

ក្នុងការបញ្ចុះតំលៃនេះយើងឃើញមានការបញ្ចុះតំលៃជាច្រើនរា​ប់មិនអស់ទេ តែឥលូវនេះ Admin សុំណែនាំហ្គេមធំៗ មួយចំនួនដែលទទួលបានការគាំទ្រច្រើនហើយកំពុងបញ្ចុះតំលៃច្រើនៗ ។ ចូលមើលខាងក្រោមនេះ​៖

បើសិនជាអ្នកចូលចិត្តហ្គេមបែបប្រដាល់ឬគេហៅថា Fighting Game យើងសុំណែនាំអោយសាកលេងហ្គេម Street Fighter 6 និង Tekken 8 ដែលហ្គេមទាំង ២ នេះអាចនិយាយបានថាជាហ្គេមប្រភេទប្រដាល់ដែលមានប្រវត្តិយូរឆ្នាំ ណាស់មកហើយ។ Street Fighter 6​ បញ្ចុះនៅសល់ $29.99 រីឯ Tekken 8 នៅសល់ $34.99 គឺបញ្ចុះ 50% ទាំង ២ ។

តែបើសិនជាអ្នកទាំងអស់គ្នាចង់លេងហ្គេមបែបផ្សងព្រេងវិញ យើងសុំណែនាំ Cyberpunk 2077 ($26.99) និង Assassin’s Creed Mirage ($19.99) ។ ហ្គេមទាំង ២ នេះសុទ្ធតែមានសាច់រឿងវែងជ្រៅ ដែលធ្វើអោយអ្នកទាំងអស់ គ្នាជក់ចិត្តដិតអារម្មណ៍ លេងដាច់បាយទឹកដោយមិនដឹងខ្លួន ។

នៅសល់ហ្គេមច្រើនទៀតអ្នកទាំងអស់គ្នា យើងរាប់មិនអស់ទេបើចង់ដឹងអាចចូលទៅកាន់ ទីផ្សាររបស់ Steam តាមគេហទំព័រ Store.steampowered.com បានដើម្បីរកមើលខ្លួនឯងណា ៕